Apple претстави нови производи
Вчера Apple претстави нова линија на лаптопи MacBook, ги надгради MacBook Air и MacBook Pro со Retina, наскоро започнува со продажба на Apple Watch и обезбеди нови алатки за медицинки и здравствени истражувања за собирање на податоци преку апликации за iPhone.
Секоја компонента на новиот MacBook е прецизно редизајнирана за да се изработи Mac кој тежи само 0.9 kg и е 13.1mm тенок. Новиот MacBook доаѓа со неверојатен 12-инчен Retina дисплеј кој е најтенок дисплеј на било кој Mac досега, целосна тастатура, нов Force Touch trackpad за ново ниво на интерактивност, компактен USB-C порт, видео излез и напојување од еден приклучок и нова батерија. За прв пат, MacBook е претставен во три прекрасни алуминиумски бои – златна, сребрена и вселенско сива (space gray).
Воедно, вчера Apple претстави надградена верзија на 13-инчниот MacBook Pro со Retina дисплеј, кој доаѓа со нов Force Touch trackpad, петта генерација на процесори Intel Core и Intel Iris Graphics 6100, подолготрајна батерија и многу подобри перформанси за професионалците. 11 и 13-инчниот MacBook Air се надградени со Intel HD Graphics 6000, Thunderbolt 2 и два пати побрз флеш диск.
Долго-очекуваниот Apple Watch, кој беше најавен пред неколку месец, ќе биде достапен во продажба од 24 април во Австралија, Канада, Кина, Франција, Германија, Хонг Конг, Јапонија, Велика Британија и САД. Доаѓа во три колекции: Apple Watch Sport, Apple Watch и Apple Watch Edition кој пак може да биде изработен од розево или жолто 18-каратно злато и ќе чини $10 000. .
