DUNA CONCEPT STORE: УРБАНО МЕСТО КАДЕ ШТО СЕКОЈ ЌЕ ПРОНАЈДЕ НЕШТО ЗА СЕБЕ

Во срцето на Скопје, во Градскиот Трговски Центар, на старата локација, но во една поинаква форма и со поразлична содржина, имаме задоволство да ви го претставиме новиот Duna Concept Store. Концепт на продавница која возбудува; која ги размазува сетилата на сладокусците по технологија; која овозможува прошетка низ врвните достигнувања на IT индустријата; која ги носи на дланка производите и услугите на ДУНА и нејзините партнери…

Следејќи ги глобалните трендови, продажниот салон го конципиравме да ги надрасне рамките на традиционалното и да порасне во еден современ, но, воедно, пријатен и забавен простор со урбан дух, каде што, бездруго, секој намерник ќе пронајде нешто за себе. Станува збор за концепт на мултибренд продажен простор, каде што покрај нашите долгогодишни пријатели од највредниот светски бренд – Apple, ги позиционираме производите и услугите на многу други глобални брендови со кои соработуваме, како што се Garmin, Ricoh, Bang and Olufsen, а удобно ги сместивме и нашите партнери – Technogym, Illy, Lux, Specialized и останати, што на целиот простор му даваат поинаква IT и урбана хедонистичка димензија.

Разновидноста на понудата и супериорниот квалитет на производите, како и уникатниот визуелен и продажен концепт, Duna Concept Store го прават единствен од ваков карактер не само во нашата земја, туку и на Балканот, кога се зборува за салони кои што на пазарот на продажба нудат интелигентна технологија и технолошки услуги.

За да ви помогнеме полесно да го пронајдете тоа што ви треба, Duna Concept Store го поделивме во шест засебни, но интегрирани модули, во зависност од интересите и потребите. Односно, како што ние сакаме сликовито да објасниме – во шест соби.

Во Apple собата, на располагање е широкото портфолио на овој планетарен бренд. Ова е делот што несомнено претставува вистинско задоволство за сите посветени на светот на Apple, кој што од гаражата на Стив Џобс, прерасна во своевидна глобална култура на современото живеење. Ние, како и во сите овие изминати единаесет години партнерство со брендот, посветени сме постојано да ве држиме во тек со новините и производите на Apple, со константни промоции и конкурентни цени на пазарот.

Во втората соба, на Шанкот во Duna Concept Store ќе ве пречека мирисот на најквалитетното кафе излезно од машините на Illy, сетилна дразба која што сигурно ќе ве натера да посакате да го имате во својот дом и секое утро да ви започнува со совршено еспресо од глобално познатата трговска марка. Во овој дел, на Касата, се позиционирани нашите добро познати фискални уреди Северец, Вардарец, Развигорец и Стрмец, а преку демонстрација и во реално време, пред вас работат софтверските пакети излезени од производството на развојниот тим на Дуна.

Следна е Аудио собата и во неа ќе уживаат љубителите на добриот и софистициран звук. Тука ќе ги најдете глобалните марки, како што се Sennheiser, Beats и Bang and Olufsen. Освен интензивниот квалитет на понудата, секое парче во овој дел е и своевидна скулптура и украс во просторот.

Дневната соба, практично, е излог на производи кои секој ќе посака да ги има во својот дом. Дизајнот на конфорниот мебел е надополнет со супериорна технологија, која овозможува максимално опуштање, со минимум напор, она што, во суштина, и треба да се почувствува во домашната атмосфера. Премиум гарнитурите за седење, светлата, како и паметните уреди за контрола на апаратите и другите функции во домаќинство – како што се осветлувањето, греењето и ладењето и слично, потоа ТВ приемниците и премиум аудио опремата, се одличен мизансцен за целосно ужување.

Собата наречена Канцеларија, е дел во кој што се наоѓа опрема која во голема мерка ќе ја збогати продуктивноста и професионалноста на сите оние кои би работеле во неа. Тука можете да го тестирате во прво лице софтверот за малопродажба – Спинакер, како и софтверот за компании (ERP) – Ултима. Потоа, на дофат ви се ставени моно и колор мултифункциските печатари; системи за управување со уредите за печатење, копирање и скенирање; дигитална архива; професионални скенери; интерактивните табли и проектори… И сето тоа во удобноста за време на работниот ден, демонстрирана преку премиум ергономските канцелариски фoтелји.

Во последниот дел од Duna Concept Store, во собата за Спорт најмногу ќе ги заинтригира љубителите на спортот, рекреацијата и здравиот живот. Тука, со помош на нашиот партнер Techogym, на располагање се ставени ненадминливите решенија на брендот за одржување на физичко здравје и кондиција, преку лентата за трчање, како и супериорната мултифункциска справа за вежбање. Доколку преферирате спортување на отворено, тука за вас е премиум велосипедот – Specialized. Кога сето ова ќе се искомбинира со најдобриот спортски часовник Fenix 3 Saffire HR или, пак, паметните часовници за целодневно следење на вашите спортски и дневни активности – Garmin Vivo Active и Garmin Vivo Smart, позитивните резултати се неизбежни.

Затоа, почитувани пријатели, со нетрпение ве очекуваме во Duna Concept Store, без оглед на тоа дали сте во потрага по домашни или канцелариски решенија кои што ќе ви го направат животот полесен. А, ние знаеме дека доколку еднаш нè посетите, нашиот салон ќе биде место каде што често ќе се враќате.